 |  |  |
|---|---|---|
 |  |  |
 |  |  |
 |  |  |
 |  |  |
 |
Livet stormar og strøymer
Bryne kunstforening
31.01 - 23.02 2025
Anmeldelse / Anne Therese Tveita / CAS
I separatutstillinga ”Livet stormar og strøymer”, presenterer Ingrid Toogood ei serie nye verk som tek heile gallerirommet i bruk. Seks monumentale måleri er plasserte på golvet, og inviterer betraktaren til å bevega seg rundt og mellom dei, i ei omgivande oppleving av kunstverka. Utstillinga er eindel av Garborgadagane.
Toogood utforskar i desse verka tema knytte til indre uro og framandgjering. I arbeidet har ho henta inspirasjon frå skikkelsar som Enok Hove i Arne Garborgs ”Fred”, ein karakter som er plaga av djup tvil og uvisse, og som opplever ei sterk kjensle av å vera framand. På liknande vis blir Toogoods måleri prega av ein underliggjande ambivalens, der det kjende og trygge samtidig verkar merkeleg og urovekkjande. I universet hennar er det ikkje alltid gitt klare svar, og betraktaren står overfor ei verd som utfordrar forståinga.
Gjennom spegel, refleksjonar og skuggar skaper Ingrid eit visuelt språk som uttrykkjer korleis me forstår oss sjølve og vår plass i verda – alltid sett gjennom andre sine blikk eller forventningane i samfunnet. Toogood inviterer oss dermed til refleksjon, der me ikkje nødvendigvis finn klare svar, men vert klar over dei mange laga av kompleksitet som formar forståinga vår av tilværet
-------------------------------------------------
Malerier:
Akryl på lerret
Perforert speilpleksi
200 x 170 cm
Video:
Maleri og ide: Ingrid Toogood
Musikk: Marthe Bore Hovland
Skuespiller: William Blomgren Grindheim
Videoprodusent: Bo B. Randulff
Takk: Nina Ellen Ødegård and Tou
Fritt etter Arne Garborgs tekster:
Eg fær aldri fred. Eg er sjølv denne uro som aldri stillnar (Den burtkomne faderen)
Livet stormar og strøymer (Haugtussa)
Photo: Erik Sæter Jørgensen